چھانے ہوں گے صحرا جس نے وہ ہی جان سکا ہوگا

Sabir Zafar Poetry

شاعرصابر ظفر

چھانے ہوں گے صحرا جس نے وہ ہی جان سکا ہوگا
مٹی میں ہم جیسے ملے ہیں کم کوئی خاک ہوا ہوگا

الٹے سیدھے گرتے پڑتے چل پڑتے ہیں اس لیے ہم
منزل پر لے جانے والا کوئی تو نقش پا ہوگا

اتنی سج دھج سے جو چلے تھے قافلے وہ ہیں ٹھہر گئے
ہوگا ہوائے صحرا جیسا آگے جو بھی گیا ہوگا

کچھ ہونے سے انہونے سے فرق تو پڑنے والا نہیں
ہو نہیں پایا اب تک کچھ بھی ہوگا بھی تو کیا ہوگا

مڑ کے جو آ نہیں پایا ہوگا اس کوچے میں جا کے ظفرؔ
ہم جیسا بے بس ہوگا ہم جیسا تنہا ہوگا

Poet: Sabir Zafar

Chaane hon ge sehraa jis ne woh hi jaan saka hoga
Matti mein hum jaisay miley hain kam koi khaak sun-hwa hoga

Ultay seedhay girtay parte chal parte hain is liye hum
Manzil par le jane wala koi to naqsh pa hoga

Itni sajh dhaj se jo chalay thay qaafley woh hain thehr gaye
Hoga hawaaye sehraa jaisa agay jo bhi gaya hoga

Kuch honay se anhoney se farq to parney wala nahi
Ho nahi paaya ab tak kuch bhi hoga bhi to kya hoga

Murr ke jo aa nahi paaya hoga is koochy mein ja ke ظفرؔ
Hum jaisa be bas hoga hum jaisa tanha hoga