وہ صدائیں دیتا رہا ہو میں نے سنا نہ ہو کہیں یوں نہ ہو

Sabir Zafar Ghazal poetry in Urdu

شاعرصابر ظفر

وہ صدائیں دیتا رہا ہو میں نے سنا نہ ہو کہیں یوں نہ ہو
مجھے لگ رہا ہو جدا مگر وہ جدا نہ ہو کہیں یوں نہ ہو

نہیں کوئی راز یگانگی نہیں کوئی ساز فسانگی
مگر ایک ساز‌‌ فسانہ راز یگانہ ہو کہیں یوں نہ ہو

میں سمجھتا ہوں اسے خوش نصیب کوئی چومتا ہے اگر صلیب
کہ یہ ساز مرگ ہی زندگی کا ترانہ ہو کہیں یوں نہ ہو

میں دیا‌‌سلائی کی روشنی میں تلاش کرتا رہا تمہیں
مگر اپنا مقصد اندھیری رات بتانا ہو کہیں یوں نہ ہو

میں تمہارے عشق میں رات دن جو دکھائی دیتا ہوں مطمئن
مرا گھر ہی صرف لٹا ہو دل تو لٹا نہ ہو کہیں یوں نہ ہو

وہ شمار ماہ و نجوم ہو کہ خمار ترک رسوم ہو
کوئی بار سوچ بچار ہی کا پڑا نہ ہو کہیں یوں نہ ہو

کسی ہونٹ سے کوئی رس ملے کوئی دم فرشتہ نفس ملے
وہ ملا بھی ہو تو مجھے دوبارہ ملا نہ ہو کہیں یوں نہ ہو

ترے پاؤں چھوتی وہ ساعتیں وہ تغیرات کی سبقتیں
کسی پل کا جیسے کہیں بھی کوئی سرا نہ ہو کہیں یوں نہ ہو

جو ہے اپنے رنگ میں صندلی جو ہے اپنے لمس میں مخملی
مری خلوتوں کو اسی نے جیسے لبھانا ہو کہیں یوں نہ ہو

وہ اساس عزم سے آشنا وہ لباس نظم سے رونما
کسی قافیے یا ردیف سے وہ کھلا نہ ہو کہیں یوں نہ ہو

کوئی آبشار نہ آب جو کسی اور لہر کی آرزو
مری پیاس بجھنے کا اور کوئی ٹھکانا ہو کہیں یوں نہ ہو

کہیں یوں نہ ہو کوئی پل صراط کے پار ہو مرا منتظر
مگر اس کو جا کے ادھر تلاش کیا نہ ہو کہیں یوں نہ ہو

کسی عید پر یا بسنت پر وہ ملے گا عمر کے انت پر
میں یہ سوچتا ہوں کہ یہ بھی کوئی بہانہ ہو کہیں یوں نہ ہو

وہ افق بنفسی جو کھو چکا کوئی آفتاب جو سو چکا
انہیں رنج میرے اکیلے پن کا رہا نہ ہو کہیں یوں نہ ہو

مجھے ناز اپنے خیال پر مجھے ناز اس کے جمال پر
میں سمجھ رہا ہوں جسے نیا وہ نیا نہ ہو کہیں یوں نہ ہو

مرے دل کے دین کو بیچ کر کوئی لے گیا مجھے کھینچ کر
مرے انگ انگ میں اپنا رنگ جمانا ہو کہیں یوں نہ ہو

یہی ہم قدم کی ہیں لغزش یہی زیر و بم کی ہیں لرزشیں
جسے بھولنا نہ ہو وہ ہی یاد رہا نہ ہو کہیں یوں نہ ہو

کوئی شعلہ سا جو بھڑک اٹھا کوئی درد سا جو چمک اٹھا
مرے درد دل کا یہ عارضہ بھی پرانا ہو کہیں یوں نہ ہو

میں دیے جلاؤں منڈیر پر کہ ضرور آئے گا وہ ادھر
اسی شام وہ کسی اور سمت روانہ ہو کہیں یوں نہ ہو

کبھی سرمئی کبھی آتشی کبھی نقرئی کبھی کاسنی
کسی ایک رنگ میں رہ کے جی ہی لگانا ہو کہیں یوں نہ ہو

کسی فرش و عرش میں کچھ نہیں میں جھکا رہا ہوں یوں ہی جبیں
جسے ڈھونڈوں میں وہ قدم ہی اس نے رکھا نہ ہو کہیں یوں نہ ہو

ہمیں سرکشی سے مقدروں کو بدلنا آیا نہیں ابھی
مگر ایسا کرنا محبتوں میں ردا نہ ہو کہیں یوں نہ ہو

جو تھی کل وہ آج ہے زندگی ابھی لا علاج ہے زندگی
کہ مسیح عصر کے پاس اس کی دوا نہ ہو کہیں یوں نہ ہو

وہ مصوری ہوئی شاعری کسی کام آئے یہ ساحری
دل‌ پاک باز بھی مہ رخوں کا دوانہ ہو کہیں یوں نہ ہو

شب وصل جلوۂ طور سا وہ بدن چمکتا تھا نور سا
کوئی لا زوال وفور رنگ شبانہ ہو کہیں یوں نہ ہو

میں کہاں سے لاؤں وہ زندگی جو سراسر اس کی ہو بندگی
مری روح کی جو طلب ہے اس کی رضا نہ ہو کہیں یوں نہ ہو

مرا آخرت پہ تو ہے یقیں کہیں زہر ہو نہ یہ انگبیں
میں حقیقت اس کو سمجھ لوں اور وہ فسانہ ہو کہیں یوں نہ ہو

یہ ستیزہ کاری نہ ہو شروع ہے کہاں غروب کہاں طلوع
جو ترا زمانہ ہو وہ ہی مرا زمانہ ہو کہیں یوں نہ ہو

میں گزر کے آیا ہوں قبر سے کہ علاقہ رکھتا ہوں صبر سے
مری روح میں کوئی اضطراب فنا نہ ہو کہیں یوں نہ ہو

یہ گریز تو ذرا کم کرو مری کائنات میں رم کرو
سو گرم کرو کہ دوبارہ پر یہ خلا نہ ہو کہیں یوں نہ ہو

نہ سہاگ رات چمک سکی یوں ہی کسمساتے سحر ہوئی
کوئی دیپ گمشدہ تھالیوں میں جلانا ہو کہیں یوں نہ ہو

مجھے اس کی شکل دکھائی دے نہ ہی اپنی شکل دکھائی دے
مرا آئینہ مرے شیشہ گر کی عطا نہ ہو کہیں یوں نہ ہو

مجھی تیرہ بخت کی بات ہے کہ یہ وقت وقت کی بات ہے
جسے یاد کر کے جیوں اسی کو بھلانا ہو کہیں یوں نہ ہو

جو ہے میرے دل کا معاملہ جو ہے نظم دہر سے ماورا
کہیں اس کے واسطے حرف کن ہی کہا نہ ہو کہیں یوں نہ ہو

وہ برہنگی کا قصیدہ کہتے ہوئے ادھر نکل آیا تھا
مگر اس کی آنکھوں میں ستر‌ پوش حیا نہ ہو کہیں یوں نہ ہو

نہ وہ یار تھا نہ وہ داشتہ میں کہاں پناہ تراشتا
مجھے لے کے دل مرا در بدر ہی پھرا نہ ہو کہیں یوں نہ ہو

سر راہ سینہ نکالتا ہوا آیا تھا جو وہ خوش نگاہ
دل عشق خو کو وہ پر غرور لگا نہ ہو کہیں یوں نہ ہو

ہو عبث یہاں اسے دیکھنا ہو عبث یہاں اسے ڈھونڈھنا
مرا یار میرے بغیر جی ہی سکا نہ ہو کہیں یوں نہ ہو

وہ خیال کھول کے دیکھنا وہ سوال تول کے دیکھنا
کہ سمجھ رہے ہو جسے خفا وہ خفا نہ ہو کہیں یوں نہ ہو

مری زندگی تری بندگی سے جدا نہیں کبھی غور کر
مرے اجتہاد پہ تو نے غور کیا نہ ہو کہیں یوں نہ ہو

اسی واسطے ابھی زندگی ہوں کہ تمہارا چہرہ ہے سامنے
کوئی اور شخص مری نظر میں جچا نہ ہو کہیں یوں نہ ہو

وہ کوئی دغا کوئی معرکہ وہ شجاعتیں اور محاصرہ
وہ کوئی قدیم رجز سنا ہی گیا نہ ہو کہیں یوں نہ ہو

جو عزیز جاں سے ہے کافرہ اسے زیب دے نہ منافرہ
یہ نہیں بعید کہ اس کو پاس وفا نہ ہو کہیں یوں نہ ہو

ترا حسن اسیر نہ کر سکا نہ میں تیرے واسطے مر سکا
کہیں میرا ساتھ مرے خدا نے دیا نہ ہو کہیں یوں نہ ہو

کوئی ہجرتی غم دہر میں ہو رواں دواں کسی لہر میں
کوئی رہ رہا تھا جہاں وہاں وہ رہا نہ ہو کہیں یوں نہ ہو

وہ قرون اصل کی ساعتیں وہ جنون وصل کی راحتیں
مرے واسطے ہوں مجھے پتہ ہی چلا نہ ہو کہیں یوں نہ ہو

کسی اور کے لیے ہو چھپا کے ہنسی وہ اس نے رکھی ہوئی
ظفرؔ اک مجھی کو ہمیشہ خون رلانا ہو کہیں یوں نہ ہو

Poet: Sabir Zafar

Woh sadayen deta raha ho mein ne suna nah ho kahin yun nah ho
Mujhe lag raha ho judda magar woh judda nah ho kahin yun nah ho

Nahi koi raaz Yagaangi nahi koi saaz Fasaangi
Magar aik Saaz fasana raaz Yagana ho kahin yun nah ho

Mein samjhta hon usay khush naseeb koi choomta hai agar saleeb
Ke yeh saaz merg hi zindagi ka taranah ho kahin yun nah ho

Mein Diyasalaayi ki roshni mein talaash karta raha tumhe
Magar apna maqsad andheri raat batana ho kahin yun nah ho

Mein tumahray ishhq mein raat din jo dikhayi deta hon mutmaen
Mra ghar hi sirf luta ho dil to luta nah ho kahin yun nah ho

Woh shumaar mah o najoom ho ke khumar tark rasoom ho
Koi baar soch bichaar hi ka para nah ho kahin yun nah ho

Kisi hont se koi ras miley koi dam farishta nafs miley
Woh mila bhi ho to mujhe dobarah mila nah ho kahin yun nah ho

Rere paon chothi woh saaetein woh tagayuraat ki Sabqaten
Kisi pal ka jaisay kahin bhi koi serra nah ho kahin yun nah ho

Jo hai –apne rang mein sandali jo hai –apne lams mein makhmali
Meri khalwaton ko isi ne jaisay lubhana ho kahin yun nah ho

woh asaas azm se aashna woh libaas nazam se runuma
kisi qafiye ya radeef se woh khula nah ho kahin yun nah ho

koi aabshaar nah aabb jo kisi aur lehar ki arzoo
meri pyaas bujhnay ka aur koi thikana ho kahin yun nah ho

kahin yun nah ho koi pal Siraat ke paar ho mra muntazir
magar is ko ja ke idhar talaash kya nah ho kahin yun nah ho

kisi eid par ya basant par woh miley ga Umar ke ant par
mein yeh sochta hon ke yeh bhi koi bahana ho kahin yun nah ho

Woh ufaq Banafsi jo kho chuka koi aftaab jo so chuka
Inhen ranj mere akailey pan ka raha nah ho kahin yun nah ho

mujhe naz –apne khayaal par mujhe naz is ke jamal par
mein samajh raha hon jisay naya woh naya nah ho kahin yun nah ho

marey dil ke deen ko beech kar koi le gaya mujhe khech kar
marey ang ang mein apna rang jamana ho kahin yun nah ho

yahi hum qadam ki hain laghzish yahi zair o bomb ki hain Larzashen
jisay bhoolna nah ho woh hi yaad raha nah ho kahin yun nah ho

koi shola sa jo bharak utha koi dard sa jo chamak utha
marey dard dil ka yeh aarzah bhi purana ho kahin yun nah ho

mein diye jalau mundair par ke zaroor aaye ga woh idhar
isi shaam woh kisi aur simt rawana ho kahin yun nah ho

kabhi surmai kabhi aatshi kabhi nuqrai kabhi kaasni
kisi aik rang mein reh ke jee hi lagana ho kahin yun nah ho

kisi farsh o arsh mein kuch nahi mein jhuka raha hon yun hi jabeen
jisay dhundon mein woh qadam hi is ne rakha nah ho kahin yun nah ho

hamein sar kashi se maqaamron ko badalna aaya nahi abhi
magar aisa karna mohabbaton mein rida nah ho kahin yun nah ho

jo thi kal woh aaj hai zindagi abhi laa ilaaj hai zindagi
ke maseeh asar ke paas is ki dawa nah ho kahin yun nah ho

woh musawari hui shairi kisi kaam aaye yeh saahiri
دل‌ pak baz bhi Meh rukhon ka dawana ho kahin yun nah ho

shab wasal jalva tor sa woh badan chamakta tha noor sa
koi laa zawaal wafoor rang Shabana ho kahin yun nah ho

mein kahan se lau woh zindagi jo sara sar is ki ho bandagi
meri rooh ki jo talabb hai is ki Raza nah ho kahin yun nah ho

Mera akhirat pay to hai yaqeen kahin zeher ho nah yeh Angbeen
Mein haqeeqat is ko samajh lon aur woh fasana ho kahin yun nah ho

yeh Sateeza kaari nah ho shuru hai kahan ghuroob kahan tulu
jo tra zamana ho woh hi mra zamana ho kahin yun nah ho

mein guzar ke aaya hon qabar se ke ilaqa rakhta hon sabr se
meri rooh mein koi iztiraab fanaa nah ho kahin yun nah ho

Yeh guraiz to zara kam karo meri kaayenaat mein rim karo
So garam karo ke dobarah par yeh khalaa nah ho kahin yun nah ho

Nah suhaag raat chamak saki yun hi Kasmasaatay sehar hui
Koi deep gumshudaa Thaalion mein jalana ho kahin yun nah ho

mujhe is ki shakal dikhayi day nah hi apni shakal dikhayi day
mra aaina marey sheesha gir ki ataa nah ho kahin yun nah ho

Mujhi terah bikhat ki baat hai ke yeh waqt waqt ki baat hai
Jisay yaad kar ke jiyun isi ko bhulana ho kahin yun nah ho

Jo hai mere dil ka maamla jo hai nazam deher se Mawra
Kahin is ke wastay harf kin hi kaha nah ho kahin yun nah ho

Woh barhanghi ka Qasida kehte hue idhar nikal aaya tha
Magar is ki aankhon mein Satarposh haya nah ho kahin yun nah ho

Nah woh yaar tha nah woh dashta mein kahan panah Traashta
Mujhe le ke dil mra dar badar hi phira nah ho kahin yun nah ho

sir raah seenah nikalta sun-hwa aaya tha jo woh khush nigah
dil ishhq khoo ko woh par ghuroor laga nah ho kahin yun nah ho

ho abs yahan usay dekhna ho abs yahan usay dhondhna
mra yaar mere baghair jee hi saka nah ho kahin yun nah ho

woh khayaal khol ke dekhna woh sawal toal ke dekhna
ke samajh rahay ho jisay khafa woh khafa nah ho kahin yun nah ho

meri zindagi tri bandagi se judda nahi kabhi ghhor kar
marey ijtehaad pay to ne ghhor kya nah ho kahin yun nah ho

isi wastay abhi zindagi hon ke tumhara chehra hai samnay
koi aur shakhs meri nazar mein jacha nah ho kahin yun nah ho

Woh koi dagha koi maarka woh Shujaaeten aur muhasra
Woh koi qadeem rajaz suna hi gaya nah ho kahin yun nah ho

Jo Aziz jaan se hai Kaafra usay Zaib day nah Munaafra
Yeh nahi baeed ke is ko paas wafa nah ho kahin yun nah ho

Tera husn aseer nah kar saka nah mein tairay wastay mar saka
Kahin mera sath marey kkhuda ne diya nah ho kahin yun nah ho

Koi Hijarti gham deher mein ho rawan dawaan kisi lehar mein
Koi reh raha tha jahan wahan woh raha nah ho kahin yun nah ho

woh qaron asal ki saaetein woh junoon wasal ki rahtin
marey wastay hon mujhe pata hi chala nah ho kahin yun nah ho

kisi aur ke liye ho chhupa ke hansi woh is ne rakhi hui
ظفرؔ ik mujhi ko hamesha khoon rulana ho kahin yun nah ho