دور آغاز جفا دل کا سہارا نکلا

Firaq Gorakhpuri Ghazal poetry in Urdu

شاعرفراق گورکھپوری

دور آغاز جفا دل کا سہارا نکلا
حوصلہ کچھ نہ ہمارا نہ تمہارا نکلا

تیرا نام آتے ہی سکتے کا تھا عالم مجھ پر
جانے کس طرح یہ مذکور دوبارا نکلا

ہوش جاتا ہے جگر جاتا ہے دل جاتا ہے
پردے ہی پردے میں کیا تیرا اشارا نکلا

ہے ترے کشف و کرامات کی دنیا قائل
تجھ سے اے دل نہ مگر کام ہمارا نکلا

کتنے سفاک سر قتل گہہ عالم تھے
لاکھوں میں بس وہی اللہ کا پیارا نکلا

عبرت انگیز ہے کیا اس کی جواں مرگی بھی
ہائے وہ دل جو ہمارا نہ تمہارا نکلا

عشق کی لو سے فرشتوں کے بھی پر جلتے ہیں
رشک خورشید قیامت یہ شرارا نکلا

سر بہ سر بے سر و ساماں جسے سمجھے تھے وہ دل
رشک جمشید و کے و خسرو و دارا نکلا

عقل کی لو سے فرشتوں کے بھی پر جلتے ہیں
رشک خورشید قیامت یہ شرارا نکلا

رونے والے ہوئے چپ ہجر کی دنیا بدلی
شمع بے نور ہوئی صبح کا تارا نکلا

انگلیاں اٹھیں فراقؔ وطن آوارہ پر
آج جس سمت سے وہ درد کا مارا نکلا

Poet Firaq Gorakhpuri

Daur aaghaz jfaa dil ka sahara nikla
Hosla kuch nah hamara nah tumhara nikla

Tera naam atay hi satke ka tha aalam mujh par
Jane kis terhan yeh mazkoor dobaara nikla

Hosh jata hai jigar jata hai dil jata hai
Parday hi parday mein kya tera ishara nikla

Hai tre kashaf o karamaat ki duniya qaail
Tujh se ae dil nah magar kaam hamara nikla

Kitney safaaq sir qatal Gahe aalam thay
Lakhoon mein bas wohi Allah ka pyara nikla

Ibrat angaiz hai kya is ki jawaa mirgi bhi
Haae woh dil jo hamara nah tumhara nikla

Ishhq ki lo se firshton ke bhi par jaltay hain
Rashk Khurshid qayamat yeh Sharara nikla

Sir bah sir be sir o saman jisay samjhay thay woh dil
Rashk jamshed o ke o Khusru o Dara nikla

Aqal ki lo se firshton ke bhi par jaltay hain
Rashk Khurshid qayamat yeh Sharara nikla

Ronay walay hue chup hijar ki duniya badli
Shama be noor hui subah ka tara nikla

Ungelian utheen فراقؔ watan aawara par
Aaj jis simt se woh dard ka mara Nikla