ستارے سو گئے تو آسماں کیسا لگے گا

Best Urdu Shayari & Ghazals Collection

شاعرصابر ظفر

ستارے سو گئے تو آسماں کیسا لگے گا
جہان تیرگی میں یہ جہاں کیسا لگے گا

بچھڑ کے ساحلوں سے موج دل کیسی لگے گی
بکھر کے آندھیوں میں بادباں کیسا لگے گا

ٹھہر جائیں گی جب یہ کشتیاں کیسی لگیں گی
گزر جائے گا جب آب رواں کیسا لگے گا

عمارت ڈھہ چکی ہوگی جو سانسیں ٹوٹنے سے
تو پھر وہ سایۂ دیوار جاں کیسا لگے گا

اتر جائے گا رنگ عاشقی جب اس کے خوں سے
تو دل بیگانۂ سود و زیاں کیسا لگے گا

قفس کیسا لگے گا اڑ گئے جب گاتے پنچھی
نہ ہوگا جب کوئی شور و فغاں کیسا لگے گا

بکھر جائیں گی زنجیریں سبھی زندانیوں کی
زوال نخوت نا مہرباں کیسا لگے گا

بہت رنگینیاں ہوں گی اگرچہ رہ میں لیکن
مسافر کھو گیا تو کارواں کیسا لگے گا

جہاں تم سے بہت پہلے پہنچ جائیں گے ہم لوگ
نہ جانے آخری وہ خاک داں کیسا لگے گا

Poet: Sabir Zafar

Sitaaray so gaye to aasmaa kaisa lagey ga
Jahan tayragi mein yeh jahan kaisa lagey ga

Bhichar ke sahilon se mouj dil kaisi lagey gi
Bikhar ke aandhiyon mein Badbaan kaisa lagey ga

Thehr jayen gi jab yeh kashtiyan kaisi lagen gi
Guzar jaye ga jab aabb rawan kaisa lagey ga

Imarat dheh chuki hogi jo sansen totnay se
To phir woh saya deewar jaan kaisa lagey ga

Utar jaye ga rang aashiqii jab is ke khoo se
To dil begana sood o zayan kaisa lagey ga

Qafas kaisa lagey ga urr gaye jab gatay panchhi
Nah hoga jab koi shore o fghan kaisa lagey ga

Bikhar jayen gi zanjeeren sabhi Zindaanion ki
Zawaal nakhwat na mehrbaan kaisa lagey ga

Bohat Rangeeniyan hon gi agarchay reh mein lekin
Musafir kho gaya to karwan kaisa lagey ga

Jahan tum se bohat pehlay pahonch jayen ge hum log
Nah jane aakhri woh khaak daan kaisa lagey ga