آج بھی قافلۂ عشق رواں ہے کہ جو تھا

Best Firaq Gorakhpuri Shayari

شاعرفراق گورکھپوری

آج بھی قافلۂ عشق رواں ہے کہ جو تھا
وہی میل اور وہی سنگ نشاں ہے کہ جو تھا

پھر ترا غم وہی رسوائے جہاں ہے کہ جو تھا
پھر فسانہ بحدیث دگراں ہے کہ جو تھا

منزلیں گرد کے مانند اڑی جاتی ہیں
وہی انداز جہان گزراں ہے کہ جو تھا

ظلمت و نور میں کچھ بھی نہ محبت کو ملا
آج تک ایک دھندلکے کا سماں ہے کہ جو تھا

یوں تو اس دور میں بے کیف سی ہے بزم حیات
ایک ہنگامہ سر رطل گراں ہے کہ جو تھا

لاکھ کر جور و ستم لاکھ کر احسان و کرم
تجھ پہ اے دوست وہی وہم و گماں ہے کہ جو تھا

آج پھر عشق دو عالم سے جدا ہوتا ہے
آستینوں میں لیے کون و مکاں ہے کہ جو تھا

عشق افسردہ نہیں آج بھی افسردہ بہت
وہی کم کم اثر سوز نہاں ہے کہ جو تھا

نظر آ جاتے ہیں تم کو تو بہت نازک بال
دل مرا کیا وہی اے شیشہ گراں ہے کہ جو تھا

جان دے بیٹھے تھے اک بار ہوس والے بھی
پھر وہی مرحلۂ سود و زیاں ہے کہ جو تھا

آج بھی صید گہ عشق میں حسن سفاک
لیے ابرو کی لچکتی سی کماں ہے کہ جو تھا

پھر تری چشم سخن سنج نے چھیڑی کوئی بات
وہی جادو ہے وہی حسن بیاں ہے کہ جو تھا

رات بھر حسن پر آئے بھی گئے سو سو رنگ
شام سے عشق ابھی تک نگراں ہے کہ جو تھا

جو بھی کر جور و ستم جو بھی کر احسان و کرم
تجھ پہ اے دوست وہی وہم و گماں ہے کہ جو تھا

آنکھ جھپکی کہ ادھر ختم ہوا روز وصال
پھر بھی اس دن پہ قیامت کا گماں ہے کہ جو تھا

قرب ہی کم ہے نہ دوری ہی زیادہ لیکن
آج وہ ربط کا احساس کہاں ہے کہ جو تھا

تیرہ بختی نہیں جاتی دل سوزاں کی فراقؔ
شمع کے سر پہ وہی آج دھواں ہے کہ جو تھا

Poet Firaq Gorakhpuri

Aaj bhi qaafla ishhq rawan hai ke jo tha
Wohi mil aur wohi sang nishaa hai ke jo tha

Phir tra gham wohi Ruswa e jahan hai ke jo tha
Phir fasana Bahayiat dagaraan hai ke jo tha

Manzilain gird ke manind udi jati hain
Wohi andaaz Jahan gzran hai ke jo tha

Zulmat o noor mein kuch bhi nah mohabbat ko mila
Aaj tak aik dhundlakay ka samaa hai ke jo tha

Yun to is daur mein be Kaif si hai bazm hayaat
Aik hungama sir Rutal giran hai ke jo tha

Laakh kar jor o sitam laakh kar ahsaan o karam
Tujh pay ae dost wohi vahm o guma hai ke jo tha

Aaj phir ishhq do aalam se judda hota hai
Aastino mein liye kon o makan hai ke jo tha

Ishhq afsurdah nahi aaj bhi afsurdah bohat
Wohi kam kam assar soaz nihaan hai ke jo tha

Nazar aa jatay hain tum ko to bohat naazuk baal
Dil mra kya wohi ae sheesha giran hai ke jo tha

Jaan day baithy thay ik baar hawas walay bhi
Phir wohi marhala sood o zayan hai ke jo tha

Aaj bhi saed gahe ishhq mein husn safaaq
Liye abrow ki lachakti si kaman hai ke jo tha

Phir tri chasham sukhan sanj ne chare koi baat
Wohi jadu hai wohi husn bayan hai ke jo tha

Raat bhar husn par aaye bhi gaye so so rang
Shaam se ishhq abhi tak nigaran hai ke jo tha

Jo bhi kar jor o sitam jo bhi kar ahsaan o karam
Tujh pay ae dost wohi vahm o guma hai ke jo tha

Aankh jhapke ke idhar khatam sun-hwa roz visale
Phir bhi is din pay qayamat ka guma hai ke jo tha

Qurb hi kam hai nah doori hi ziyada lekin
Aaj woh rabt ka ehsas kahan hai ke jo tha

Terah bakhti nahi jati dil sozaa ki فراقؔ
Shama ke sir pay wohi aaj dhuwan hai ke jo tha