بہت پہلے سے ان قدموں کی آہٹ جان لیتے ہیں

Firaq Gorakhpuri in Urdu

شاعرفراق گورکھپوری

بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں

مری نظریں بھی ایسے قاتلوں کا جان و ایماں ہیں
نگاہیں ملتے ہی جو جان اور ایمان لیتے ہیں

جسے کہتی ہے دنیا کامیابی وائے نادانی
اسے کن قیمتوں پر کامیاب انسان لیتے ہیں

نگاہ بادہ گوں یوں تو تری باتوں کا کیا کہنا
تری ہر بات لیکن احتیاطاً چھان لیتے ہیں

طبیعت اپنی گھبراتی ہے جب سنسان راتوں میں
ہم ایسے میں تری یادوں کی چادر تان لیتے ہیں

خود اپنا فیصلہ بھی عشق میں کافی نہیں ہوتا
اسے بھی کیسے کر گزریں جو دل میں ٹھان لیتے ہیں

حیات عشق کا اک اک نفس جام شہادت ہے
وہ جان ناز برداراں کوئی آسان لیتے ہیں

ہم آہنگی میں بھی اک چاشنی ہے اختلافوں کی
مری باتیں بعنوان دگر وہ مان لیتے ہیں

تری مقبولیت کی وجہ واحد تیری رمزیت
کہ اس کو مانتے ہی کب ہیں جس کو جان لیتے ہیں

اب اس کو کفر مانیں یا بلندیٔ نظر جانیں
خدائے دو جہاں کو دے کے ہم انسان لیتے ہیں

جسے صورت بتاتے ہیں پتہ دیتی ہے سیرت کا
عبارت دیکھ کر جس طرح معنی جان لیتے ہیں

تجھے گھاٹا نہ ہونے دیں گے کاروبار الفت میں
ہم اپنے سر ترا اے دوست ہر احسان لیتے ہیں

ہماری ہر نظر تجھ سے نئی سوگندھ کھاتی ہے
تو تیری ہر نظر سے ہم نیا پیمان لیتے ہیں

رفیق زندگی تھی اب انیس وقت آخر ہے
ترا اے موت ہم یہ دوسرا احسان لیتے ہیں

زمانہ واردات قلب سننے کو ترستا ہے
اسی سے تو سر آنکھوں پر مرا دیوان لیتے ہیں

فراقؔ اکثر بدل کر بھیس ملتا ہے کوئی کافر
کبھی ہم جان لیتے ہیں کبھی پہچان لیتے ہیں

Poet Firaq Gorakhpuri

Bohat pehlay se un qadmon ki aahat jaan letay hain
Tujhe ae zindagi hum daur se pehchan letay hain

Meri nazrain bhi aisay qatilon ka jaan o ayman hain
Nigehain mlitay hi jo jaan aur imaan letay hain

Jisay kehti hai duniya kamyabi why nadani
Usay kin qeematon par kamyaab insaan letay hain

Nigah baadah gon yun to tri baton ka kya kehna
Teri har baat lekin ahtiyatan chhaan letay hain

Tabiyat apni ghabrati hai jab sun_saan raton mein
Hum aisay mein tri yaado ki chadar taan letay hain

Khud apna faisla bhi ishhq mein kaafi nahi hota
Usay bhi kaisay kar guzren jo dil mein thaan letay hain

Hayaat ishhq ka ik ik nafs jaam shahadat hai
Woh jaan naz Bardaran koi aasaan letay hain

Hum ahangi mein bhi ik chaashni hai Ikhtilaafon ki
Meri baatein banwan dagar woh maan letay hain

Teri maqboliat ki wajah wahid teri Ramziyat
Ke is ko mantay hi kab hain jis ko jaan letay hain

Ab is ko kufar manen ya Bulandi e nazar jaanen
Khuday-e do jahan ko day ke hum insaan letay hain

Jisay soorat batatay hain pata deti hai seerat ka
Ibaarat dekh kar jis terhan maienay jaan letay hain

Tujhe ghata nah honay den ge kaarobar ulfat mein
hum –apne sir tra ae dost har ahsaan letay hain

hamari har nazar tujh se nai sogandh khati hai
to teri har nazar se hum naya Paiman letay hain

Rafeeq zindagi thi ab Anees waqt aakhir hai
Tara ae mout hum yeh dosra ahsaan letay hain

Zamana waardaat qalb suneney ko tarasta hai
Isi se to sir aankhon par mra dewan letay hain

فراقؔ aksar badal kar bhais milta hai koi kafir
Kabhi hum jaan letay hain kabhi pehchan letay hain