Firaq Gorakhpuri Ghazal
شاعرفراق گورکھپوری
مجھ کو مارا ہے ہر اک درد و دوا سے پہلے
دی سزا عشق نے ہر جرم و خطا سے پہلے
آتش عشق بھڑکتی ہے ہوا سے پہلے
ہونٹ جلتے ہیں محبت میں دعا سے پہلے
فتنے برپا ہوئے ہر غنچۂ سربستہ سے
کھل گیا راز چمن چاک قبا سے پہلے
چال ہے بادۂ ہستی کا چھلکتا ہوا جام
ہم کہاں تھے ترے نقش کف پا سے پہلے
اب کمی کیا ہے ترے بے سر و سامانوں کو
کچھ نہ تھا تیری قسم ترک وفا سے پہلے
عشق بے باک کو دعوے تھے بہت خلوت میں
کھو دیا سارا بھرم شرم و حیا سے پہلے
خود بخود چاک ہوئے پیرہن لالہ و گل
چل گئی کون ہوا باد صبا سے پہلے
ہم سفر راہ عدم میں نہ ہو تاروں بھری رات
ہم پہنچ جائیں گے اس آبلہ پا سے پہلے
پردۂ شرم میں صد برق تبسم کے نثار
ہوش جاتے رہے نیرنگ حیا سے پہلے
موت کے نام سے ڈرتے تھے ہم اے شوق حیات
تو نے تو مار ہی ڈالا تھا قضا سے پہلے
بے تکلف بھی ترا حسن خود آرا تھا کبھی
اک ادا اور بھی تھی حسن ادا سے پہلے
غفلتیں ہستئ فانی کی بتا دیں گی تجھے
جو مرا حال تھا احساس فنا سے پہلے
ہم انہیں پا کے فراقؔ اور بھی کچھ کھوئے گئے
یہ تکلف تو نہ تھے عہد وفا سے پہلے
Poet Firaq Gorakhpuri
Mujh ko mara hai har ik dard o dawa se pehlay
Di saza ishhq ne har jurm o khata se pehlay
Aatish ishhq bharakti hai sun-hwa se pehlay
Hont jaltay hain mohabbat mein dua se pehlay
Fitne barpaa hue har Ghunchae sar basta se
Khil gaya raaz chaman chaak quba se pehlay
Chaal hai baadah hasti ka chhalakta sun-hwa jaam
Hum kahan thay tre naqsh kaf pa se pehlay
Ab kami kya hai tre be sir o samanon ko
Kuch nah tha teri qisam tark wafa se pehlay
ishhq be baak ko daaway thay bohat khalwat mein
kho diya sara bharam sharam o haya se pehlay
Khud bakhud chaak hue perhan Lala o Gul
Chal gayi kon sun-hwa bad Saba se pehlay
Hum safar raah Adam mein nah ho taron bhari raat
Hum pahonch jayen ge is aabla pa se pehlay
Parda e sharam mein sad barq-e tabassum ke Nisar
hosh jatay rahay nearing haya se pehlay
Mout ke naam se dartay thay hum ae shoq hayaat
To ne to maar hi dala tha qaza se pehlay
Be takalouf bhi tra husn khud aara tha kabhi
Ik ada aur bhi thi husn ada se pehlay
Ghafalten Hasti e faani ki bta den gi tujhe
jo mra haal tha ehsas fanaa se pehlay
Hum inhen pa ke فراقؔ aur bhi kuch khoye gaye
Yeh takalouf to nah thay ehad wafa se pehlay
