Firaq Gorakhpuri Shayari in Urdu
شاعرفراق گورکھپوری
ستاروں سے الجھتا جا رہا ہوں
شب فرقت بہت گھبرا رہا ہوں
ترے غم کو بھی کچھ بہلا رہا ہوں
جہاں کو بھی سمجھتا جا رہا ہوں
یقیں یہ ہے حقیقت کھل رہی ہے
گماں یہ ہے کہ دھوکے کھا رہا ہوں
اگر ممکن ہو لے لے اپنی آہٹ
خبر دو حسن کو میں آ رہا ہوں
حدیں حسن و محبت کی ملا کر
قیامت پر قیامت ڈھا رہا ہوں
خبر ہے تجھ کو اے ضبط محبت
ترے ہاتھوں میں لٹتا جا رہا ہوں
اثر بھی لے رہا ہوں تیری چپ کا
تجھے قائل بھی کرتا جا رہا ہوں
بھرم تیرے ستم کا کھل چکا ہے
میں تجھ سے آج کیوں شرما رہا ہوں
انہیں میں راز ہیں گلباریوں کے
میں جو چنگاریاں برسا رہا ہوں
جو ان معصوم آنکھوں نے دیے تھے
وہ دھوکے آج تک میں کھا رہا ہوں
ترے پہلو میں کیوں ہوتا ہے محسوس
کہ تجھ سے دور ہوتا جا رہا ہوں
حد جور و کرم سے بڑھ چلا حسن
نگاہ یار کو یاد آ رہا ہوں
جو الجھی تھی کبھی آدم کے ہاتھوں
وہ گتھی آج تک سلجھا رہا ہوں
محبت اب محبت ہو چلی ہے
تجھے کچھ بھولتا سا جا رہا ہوں
اجل بھی جن کو سن کر جھومتی ہے
وہ نغمے زندگی کے گا رہا ہوں
یہ سناٹا ہے میرے پاؤں کی چاپ
فراقؔ اپنی کچھ آہٹ پا رہا ہوں
Poet Firaq Gorakhpuri
Sitaron se ulajhta ja raha hon
Shab furqat bohat ghabra raha hon
Tre gham ko bhi kuch behla raha hon
Jahan ko bhi samjhta ja raha hon
Yaqeen yeh hai haqeeqat khil rahi hai
Guma yeh hai ke dhokay kha raha hon
Agar mumkin ho le le apni aahat
khabar do husn ko mein aa raha hon
hade husn o mohabbat ki mila kar
qayamat par qayamat dhaa raha hon
khabar hai tujh ko ae zabt mohabbat
Tere hathon mein Lutaa ja raha hon
assar bhi le raha hon teri chup ka
tujhe qaail bhi karta ja raha hon
bharam tairay sitam ka khil chuka hai
mein tujh se aaj kyun sharmaa raha hon
inhen mein raaz hain Gulbarion ke
mein jo chingariyan barsa raha hon
jo un masoom aankhon ne diye thay
woh dhokay aaj tak mein kha raha hon
tre pehlu mein kyun hota hai mehsoos
ke tujh se daur hota ja raha hon
Had joz o karam se barh chala husn
nigah yaar ko yaad aa raha hon
Jo uljhi thi kabhi aadam ke hathon
woh guthi aaj tak suljha raha hon
mohabbat ab mohabbat ho chali hai
tujhe kuch bhoolta sa ja raha hon
ajal bhi jin ko sun kar jhoomti hai
woh naghmay zindagi ke ga raha hon
yeh sannata hai mere paon ki chaap
فراقؔ apni kuch aahat pa raha hon
