بات کرنی مجھے مشکل کبھی ایسی تو نہ تھی

Bahadur Shah Zafar Poetry in Urdu

شاعربہادر شاہ ظفر

بات کرنی مجھے مشکل کبھی ایسی تو نہ تھی
جیسی اب ہے تری محفل کبھی ایسی تو نہ تھی

لے گیا چھین کے کون آج ترا صبر و قرار
بے قراری تجھے اے دل کبھی ایسی تو نہ تھی

اس کی آنکھوں نے خدا جانے کیا کیا جادو
کہ طبیعت مری مائل کبھی ایسی تو نہ تھی

عکس رخسار نے کس کے ہے تجھے چمکایا
تاب تجھ میں مہ کامل کبھی ایسی تو نہ تھی

اب کی جو راہ محبت میں اٹھائی تکلیف
سخت ہوتی ہمیں منزل کبھی ایسی تو نہ تھی

پائے کوباں کوئی زنداں میں نیا ہے مجنوں
آتی آواز سلاسل کبھی ایسی تو نہ تھی

نگہ یار کو اب کیوں ہے تغافل اے دل
وہ ترے حال سے غافل کبھی ایسی تو نہ تھی

چشم قاتل مری دشمن تھی ہمیشہ لیکن
جیسی اب ہو گئی قاتل کبھی ایسی تو نہ تھی

کیا سبب تو جو بگڑتا ہے ظفرؔ سے ہر بار
خو تری حور شمائل کبھی ایسی تو نہ تھی

Poet Bahadur Shah Zafar

Baat karni mujhe Mushkil kabhi aisi to nah thi
Jaisi ab hai tri mehfil Kabhi aisi to nah thi

Le gaya chean ke kon aaj Tra sabr o qarar
Be qarari tujhe ae dil Kabhi aisi to nah thi

Is ki aankhon ne kkhuda Jane kya kya jadu
Ke tabiyat meri mael Kabhi aisi to nah thi

aks rukhsaar ne kis ke hai tujhe chamkaya
taab tujh mein Meh kaamil kabhi aisi to nah thi

ab ki jo raah mohabbat mein uthai takleef
sakht hoti hamein manzil kabhi aisi to nah thi

paye کوباں koi zandan mein naya hai majnu
aati aawaz salasil kabhi aisi to nah thi

ng_h yaar ko ab kyun hai taghaful ae dil
woh tre haal se ghaafil kabhi aisi to nah thi

chasham qaatil meri dushman thi hamesha lekin
jaisi ab ho gayi qaatil kabhi aisi to nah thi

kya sabab to jo bigartaa hai ظفرؔ se har baar
khoo tri hoor Shamail kabhi aisi to nah thi