میرے سِوا سرِ مقتل مقام کس کا ہے

Mohsin Naqvi poetry in Urdu

شاعرمحسن نقوی

میرے سِوا سرِ مقتل مقام کس کا ہے
کہو کہ اب لبِ قاتل پہ نام کس کا ہے

یہ تخت و تاج و قبا سب انہیں مبارک ہوں
مگر بہ نوکِ سِناں احترام کس کا ہے

تمہاری بات نہیں تم تو چارہ گر تھے مگر
یہ جشنِ فتح، پسِ قتلِ عام کس کا ہے

ہماری لاش پہ ڈھونڈو نہ اُنگلیوں کے نشاں
ہمیں خبر ہے عزیزو یہ کام کس کا ہے

فنا کے ہانپتے جھونکے ہوا سے پوچھتے ہیں
جبینِ وقت پہ نقشِ دوام کس کا ہے

تمہاری بات تو حرفِ غلط تھی مِٹ بھی گئی
اُتر گیا جو دلوں میں کلام کس کا ہے

وہ مطمئن تھے بہت قتل کر کے محسنؔ کو
مگر یہ ذکرِ وفا صبح و شام کس کا ہے

Poet:Mohsin Naqvi

Mere sِwa sar-e maqtal maqam kis ka hai
Kaho ke ab lbِ qaatil pay naam kis ka hai

Yeh takhat o taaj o quba sab inhen mubarak hon
Magar bah noke Sinaan ehtram kis ka hai

Tumhari baat nahi tum to charah gir thay magar
Yeh jashne fatah, pass qtlِ aam kis ka hai

Hamari laash pay dhuundo nah aُnglyon ke nishaa
Hamein khabar hai azeezo yeh kaam kis ka hai

Fanaa ke hanptay jhonkay sun-hwa se puchhte hain
Jabeen waqt pay naqash-e Dwam kis ka hai

Tumhari baat to harf-e ghalat thi mِt bhi gayi
Utar gaya jo dilon mein kalaam kis ka hai

Woh mutmaen thay bohat qatal kar ke محسنؔ ko
Magar yeh zikar e wafa subah o shaam kis ka hai