بھڑکائیں میری پیاس کو اکثر تیری آنکھیں

Mohsin Naqvi Love Urdu Poetry

شاعرمحسن نقوی

بھڑکائیں میری پیاس کو اکثر تیری آنکھیں
صحرا میرا چہرہ ہے تو سمندر تیری آنکھیں

پھر کون بھلا دادِ تبسم انھیں دے گا
روئیں گی بہت مجھ سے بچھڑ کر تیری آنکھیں

بوجھل نظر آتی ہیں بظاہر مجھے لیکن
کھلتی ہیں بہت دل میں اُتر کر تیری آنکھیں

اب تک میری یادوں سے مٹائے نہیں مٹتا
بھیگی ہوئی اک شام کا منظر تیری آنکھیں

ممکن ہو تو اک تازہ غزل اور بھی کہہ لوں
پھر اوڑھ نہ لیں خواب کی چادر تیری آنکھیں

یوں دیکھتے رہنا اسے اچھا نہیں محسن
وہ کانچ کا پیکر ہے تو پتھر تیری آنکھیں

Poet:Mohsin Naqvi

bharkaien meri pyaas ko aksar teri ankhen
sehraa mera chehra hai to samandar teri ankhen

phir kon bhala dadِ tabassum unhein day ga
royain gi bohat mujh se bhichar kar teri ankhen

boujhal nazar aati hain bzahir mujhe lekin
khulti hain bohat dil mein utar kar teri ankhen

ab tak meri yaado se mitaye nahi mitta
bheegi hui ik shaam ka manzar teri ankhen

mumkin ho to ik taaza ghazal aur bhi keh lon
phir ourh nah len khawab ki chadar teri ankhen

yun dekhte rehna usay acha nahi mohsin
woh kanch ka paiker hai to pathar teri ankhen