مرحلہ رات کا جب آئے گا

Qateel Shifai Famous Poetry

شاعرقتیل شفا ئی

مرحلہ رات کا جب آئے گا
جسم سائے کو ترس جائے گا

چل پڑی رسم جو کج فہمی کی
بات کیا پھر کوئی کر پائے گا

سچ سے کترائے اگر لوگ یہاں
لفظ مفہوم سے کترائے گا

اعتبار اس کا ہمیشہ کرنا
وہ تو جھوٹی بھی قسم کھائے گا

تو نہ ہوگی تو پھر اے شام فراق
کون آ کر ہمیں بہلائے گا

ہم اسے یاد بہت آئیں گے
جب اسے بھی کوئی ٹھکرائے گا

کائنات اس کی مری ذات میں ہے
مجھ کو کھو کر وہ کسے پائے گا

نہ رہے جب وہ بھلے دن بھی قتیلؔ
یہ زمانہ بھی گزر جائے گا

Poet:Qateel Shifai

Marhala raat ka jab aaye ga
Jism saaye ko taras jaye ga

Chal pari rasam jo kaj fehmi ki
Baat kya phir koi kar paye ga

Sach se katray agar log yahan
Lafz mafhuum se katray ga

Aitbaar is ka hamesha karna
Woh to jhooti bhi qisam khaye ga

to nah hogi to phir ae shaam faraaq
kon aa kar hamein behlaye ga

hum usay yaad bohat ayen ge
jab usay bhi koi tukarhe ga

kaayenaat is ki meri zaat mein hai
Mujh ko kho kar woh Kisay paye ga

Nah rahay jab woh Bhallay din bhi قتیلؔ
Yeh zamana bhi guzar Jaye ga