پریشاں رات ساری ہے ستارو تم تو سو جاؤ

Qateel Shifai Shayari

Poet:Qateel Shifai

پریشاں رات ساری ہے ستارو تم تو سو جاؤ
سکوت مرگ طاری ہے ستارو تم تو سو جاؤ

ہنسو اور ہنستے ہنستے ڈوبتے جاؤ خلاؤں میں
ہمیں پہ رات بھاری ہے ستارو تم تو سو جاؤ

ہمیں تو آج کی شب پو پھٹے تک جاگنا ہوگا
یہی قسمت ہماری ہے ستارو تم تو سو جاؤ

تمہیں کیا آج بھی کوئی اگر ملنے نہیں آیا
یہ بازی ہم نے ہاری ہے ستارو تم تو سو جاؤ

کہے جاتے ہو رو رو کر ہمارا حال دنیا سے
یہ کیسی رازداری ہے ستارو تم تو سو جاؤ

ہمیں بھی نیند آ جائے گی ہم بھی سو ہی جائیں گے
ابھی کچھ بے قراری ہے ستارو تم تو سو جاؤ

شاعرقتیل شفا ئی

Pareshaa raat saari hai Sitaro tum to so jao
Sukut merg taari hai Sitaro tum to so jao

Hanso aur hanstay Hanstay doubtey jao khalaon mein
hamein pay raat bhaari hai sitaro tum to so jao

hamein to aaj ki shab po phatay tak jagna hoga
yahi qismat hamari hai sitaro tum to so jao

tumhe kya aaj bhi koi agar milnay nahi aaya
yeh baazi hum ne haari hai sitaro tum to so jao

kahe jatay ho ro ro kar hamara haal duniya se
yeh kaisi raazdari hai sitaro tum to so jao

hamein bhi neend aa jaye gi hum bhi so hi jayen ge
abhi kuch be qarari hai sitaro tum to so jao