یہ معجزہ بھی محبت کبھی دکھائے مجھے

 Ghazals of Qateel Shifai

Poet :Qateel Shifai

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

میں اپنے پاؤں تلے روندتا ہوں سائے کو
بدن مرا ہی سہی دوپہر نہ بھائے مجھے

بہ رنگ عود ملے گی اسے مری خوشبو
وہ جب بھی چاہے بڑے شوق سے جلائے مجھے

میں گھر سے تیری تمنا پہن کے جب نکلوں
برہنہ شہر میں کوئی نظر نہ آئے مجھے

وہی تو سب سے زیادہ ہے نکتہ چیں میرا
جو مسکرا کے ہمیشہ گلے لگائے مجھے

میں اپنے دل سے نکالوں خیال کس کس کا
جو تو نہیں تو کوئی اور یاد آئے مجھے

زمانہ درد کے صحرا تک آج لے آیا
گزار کر تری زلفوں کے سائے سائے مجھے

وہ میرا دوست ہے سارے جہاں کو ہے معلوم
دغا کرے وہ کسی سے تو شرم آئے مجھے

وہ مہرباں ہے تو اقرار کیوں نہیں کرتا
وہ بد گماں ہے تو سو بار آزمائے مجھے

میں اپنی ذات میں نیلام ہو رہا ہوں قتیلؔ
غم حیات سے کہہ دو خرید لائے مجھے

شاعرقتیل شفا ئی

Yeh moujza bhi mohabbat kabhi dukhaay mujhe
Ke sang tujh pay giray aur zakham aaye mujhe

Mein –apne paon taley rondta hon saaye ko
Badan mra hi sahi dopehar nah bhaye mujhe

Bah rang Aud miley gi usay meri khushbu
Woh jab bhi chahay barray shoq se jalaaye mujhe

Mein ghar se teri tamanna pehan ke jab niklon
Burhenapa shehar mein koi nazar nah aaye mujhe

wohi to sab se ziyada hai nuqta cheen mera
jo muskura ke hamesha gilaay lagaye mujhe

mein –apne dil se nikellon khayaal kis kis ka
jo to nahi to koi aur yaad aaye mujhe

zamana dard ke sehraa tak aaj le aaya
guzaar kar tri zulfon ke saaye saaye mujhe

woh mera dost hai saaray jahan ko hai maloom
dagha kere woh kisi se to sharam aaye mujhe

Woh mehrbaan hai to iqraar kyun nahi karta
Woh bad guma hai to so baar aazamaa_e mujhe

Mein apni zaat mein nelaam ho raha hon قتیلؔ
Gham hayaat se keh do khareed laaye mujhe