تتلیوں کا رنگ ہو یا جھومتے بادل کا رنگ

Qateel Shifai Ghazals in Urdu

Poet : Qateel Shifai

تتلیوں کا رنگ ہو یا جھومتے بادل کا رنگ
ہم نے ہر اک رنگ کو جانا ترے آنچل کا رنگ

تیری آنکھوں کی چمک ہے یا ستاروں کی ضیا
رات کا ہے گھپ اندھیرا یا ترے کاجل کا رنگ

دھڑکنوں کے تال پر وہ حال اپنے دل کا ہے
جیسے گوری کے تھرکتے پاؤں میں پائل کا رنگ

پھینکنا تم سوچ کر لفظوں کا یہ کڑوا گلال
پھیل جاتا ہے کبھی صدیوں پہ بھی اک پل کا رنگ

آہ یہ رنگین موسم خون کی برسات کا
چھا رہا ہے عقل پر جذبات کی ہلچل کا رنگ

اب تو شبنم کا ہر اک موتی ہے کنکر کی طرح
ہاں اسی گلشن پہ چھایا تھا کبھی مخمل کا رنگ

پھر رہے ہیں لوگ ہاتھوں میں لیے خنجر کھلے
کوچے کوچے میں اب آتا ہے نظر مقتل کا رنگ

چار جانب جس کی رعنائی کے چرچے ہیں قتیلؔ
جانے کب دیکھیں گے ہم اس آنے والی کل کا رنگ

شاعرقتیل شفائی

titliyon ka rang ho ya jhomtay baadal ka rang
hum ne har ik rang ko jana tre aanchal ka rang

teri aankhon ki chamak hai ya sitaron ki zia
raat ka hai ghup andhera ya tre kajal ka rang

dharkanon ke taal par woh haal –apne dil ka hai
jaisay gori ke tharaktay paon mein payal ka rang

phenkna tum soch kar lafzon ka yeh karva gulal
phail jata hai kabhi sadiiyon pay bhi ik pal ka rang

aah yeh rangeen mausam khoon ki barsaat ka
chhaa raha hai aqal par jazbaat ki halchal ka rang

ab to shabnam ka har ik moti hai kanker ki terhan
haan isi Gulshan pay chaaya tha kabhi makhmal ka rang

phir rahay hain log hathon mein liye khanjar khulay
koochy koochy mein ab aata hai nazar maqtal ka rang

chaar janib jis ki ranayi ke charchay hain قتیلؔ
jane kab dekhen ge hum is anay wali kal ka rang